أغزرلي في عينيا و متخافش
الإنسان في وسطي مزال ما ماتش
مش خاطر نكسر كرسي
و نضرب بوليس كل ماتش
بش تقول الرحمة في قلبي معادش
أنا نفرحك و نفرح بيك
أنا نضحكك
و كي تواتي نضحك عليك
أنا ليك و خاطيك
قريبلك و بعيد عليك
أنا إلي قتلك بروحي نفديك
سامحني كذبت عليك
و لا تعرفشي كيفاش!
ما تسامحنيش
هكا ما عينيش!
ما نحبش كي تولي تغزرلي عيني في عينك
تسخف عليا و متقدرنيش
منحبش قبل ماترقد ما تتفكرنيش
منحبش هكا نعيش!
حلمت بعالم موزيكا و فن و زين و عين
و مسرح و سينما و فنانين مزيانين
و نبات عالبحر ليلتين
و نغني قصائد بلحن من راسي نجيبو
يصفقلي إلي عندو البحيم
و إلي فارغ جيبو
أما هذا الكل مفماش!
خاطرنا منحبوش الفن
نحبو الكرتوش
نحبو الدم في الكياس و يموت إلي معندوش
و كي يجينا غريب
بثقافة غريبة
بلوك غريب
ديراكت منقبلوش!
هكا أحنا منعرفوش
منعرفوش إلي الحضارة تتبنى بالحب
مش بالكرتوش
