السلبية هي الموت

اخطاك من كلامهم !

عمرو كلام إلي دايرين بينا ما نفعنا ! كونش في حالات شاذة !

أغلب إلي يحبوا " ينصحوك " في الحقيقة ينقدوا فيك !

ينقصلوك في عزيمتك ! يفشلوا فيك !

جايين مالقطب السالب للحياة ! و يحبوا يهزوك معاهم !

موت في بلاصتك و ماتمشيش معاهم ! تعذب في إلي بين يديك و ماتمشيش معاهم !

أعمل أي حاجة حتى كان بش تضرك ! المهم ما تكونش سلبي !

السلبية هي الموت !

كون شمس

الشمس طلعت و السخانة بدات

الشمس إلي كرهناها ليامات لخرا باقي تطلع كل يوم! كلامنا ما أثرش فاها! كل يوم تزيدنا سخانة أكثر! كاينها تتحدى و تثبت في وجودها

كون شمس

أحقرهم ! ما تسمع حتى كلمة تنقص من عزيمتك! كون شجاع و أبهرهم كل يوم بمردود أقوى ملي قبلو

الشمس ما توفاش! هكاكا لازمك تكون! تتعب و تخدم و تبدع بش تخلي بصمتك في تاريخ الإنسانية

صباح الخير :) نهارك زين 

إنتي بش تنجح

رد بالك تضعف! رد بالك توخر!

رد بالك تتنازل على أحلامك خاطر بداية الطريق صعيبة!

لكلهم بداو هكاكا!

هوما أمنو بقدراتهم! هوما خممو في تطوير مهاراتهم!

ماقالوش أحنا ذكيين!

الخدمة تجيب! الإيمان بذاتك و بقيمتك هوما إلي يوصلوا!

ما تستسلمش حتى كان بقا منك القلييييل!

قاوم و حارب و عفس على كل حاجة تعطلك بش توصل!

أوصل للقمة تو ترا الناس السلبيين كلاهم اليأس!

إنتي عندك الثيقة في روحك بش تكتب أسطورتك الخاصة!

إنتي بش تنجح ^_^

بالخطوة بالخطوة تحقق جنتك في الأرض

انتي إنسان قوي ! إنتي انسان مبدع و فنان في مجالات تنجم تكون متعرفهمش 

انتي أقوى مالعواقب إلي تعرض فيك كل يوم !

 انتي قادر على حاجات انتي بيدك كان تعملهم تبهت في روحك !

 خاطر في وسطك طاقة كبيرة

أكبر مالمشاكل الاقتصادية و السياسية و مشاكل العالم

نعرفك  بش توصل للي تحب عليه ! بش تتعدى كل حاجة صعيبة و تحقق حلمك

عندي فيك ثقة 

كل ما تحل عينيك صباح حط الهدف متاعك قدام عينيك و اسعى بش توصلو 

بالخطوة بالخطوة تحقق جنتك في الأرض 

و نخون أنفسنا مع كل إشراقة شمس

إنها توشك على البزوغ! ماذا ترانا نفعل ؟! 

يجب أن تتوغل نسمات الفجر في أعماقنا و تنفض الغبار عن كل سلبية سكنت صدورنا! 

ثم ماذا؟ 

ثم أن زقزقات الطيور العذبة ستكون بمثابة دقات الجرس الخفيفة التي تهمس لفؤادك بأن الإشراق قد حان و أن الخمول لن يوصلك للقمة.

 و بعد ذلك؟

بعد ذلك تغط في نوم عميق و تفيق بعد الظهيرة ضاربا بعرض الحائط كل مخططاتك الليلية :)